Служба лакаматыўнай гаспадаркі

Кантактная інфармацыя:

Тэл. (+375 17) 225 05 46, тэл./факс 225 45 73
E-mail: t@upr.mnsk.rw.by
Адрас: 220030, Рэспубліка Беларусь, г. Мінск, вул. Леніна, 17

Служба лакаматыўнай гаспадаркі з'яўляецца самастойным структурным падраздзяленнем Упраўлення Беларускай чыгункі і знаходзіцца ў непасрэдным падначаленні намесніка Начальніка Беларускай чыгункі, які курыруе лакаматыўную і вагонную гаспадаркі.

Асноўныя кірункі дзейнасці

1. Забеспячэнне бесперабойнага выканання зададзеных памераў грузавога, пасажырскага руху і манеўровай работы запатрабаваным паркам лакаматываў, маторвагоннага рухомага саставу і кваліфікаванымі рамонтнымі і лакаматыўнымi брыгадамi.
2. Забеспячэнне бяспекі руху цягнікоў, выкананне нарматываў графіка руху, распрацоўка неабходных мерапрыемстваў у гэтай галіне і арганізацыя іх выканання лакаматыўнымі дэпо. Падтрыманне параметраў рухомага саставу ў адпаведнасці з усталяванымі патрабаваннямі.
3. Мадэрнізацыя лакаматыўнага парку і маторвагоннага рухомага саставу (МВРС) сучаснымі прыладамі забеспячэння бяспекі руху і пажарнай бяспекі.
4. Ажыццяўленне кантролю за тэхнічным станам рухомага саставу, укараненне рацыянальнай сістэмы тэхнічнага абслугоўвання і рамонту лакаматываў і МВРС. Распрацоўка і кантроль за выкананнем планаў рамонту, мерапрыемстваў па паляпшэнні ўтрымання цягавага рухомага саставу. Стварэнне баз і арганізацыя капітальнага і дэпоўскага рамонту лакаматываў і МВРС ўсіх серый ва ўмовах лакаматыўных дэпо. Рашэнне пытанняў падаўжэння тэрмінаў службы і мадэрнізацыі рухомага саставу.
5. Арганізацыя працы чыгуначнай кваліфікацыйнай камісіі па правядзенні выпрабаванняў, выдачы пасведчанняў на права кіравання лакаматывамі, маторна-рэйкавым транспартам і прысваенні класа кваліфікацыі машыністам лакаматываў.
6. Арганізацыя работы па падрыхтоўцы, перападрыхтоўцы і павышэнні кваліфікацыі лакаматыўных брыгад, слесараў па рамонце цягавага рухомага саставу (ЦРС) і іншых прафесій у ЦППК, навучальных установах і лакаматыўных дэпо чыгункі.
7. Метадычнае кіраванне вынаходніцкай і рацыяналізатарскай дзейнасцю ў лакаматыўнай гаспадарцы. Разгляд заяў на рацыяналізатарскія прапановы, звязаныя са змяненнем канструкцыі лакаматываў. Увядзенне ў вытворчасць арганізацыйных і тэхналагічных навінак.
8. Распрацоўка доўгатэрміновых і перспектыўных прагнозаў тэхнічнага развіцця лакаматыўнай гаспадаркі, мэтавых комплексных навукова-тэхнічных, інвестыцыйных праграм і рэалізацыя іх за кошт фінансавых сродкаў і іншых рэсурсаў чыгункі.
9. Укараненне сістэмы аўтаматызаванага кіравання лакаматыўнай гаспадаркай. Кантроль за стварэннем аўтаматызаваных рабочых месцаў на падведамасных прадпрыемствах.
10. Ажыццяўленне супрацоўніцтва ў частцы эксплуатацыі і ўтрымання цягавага рухомага саставу, рацыянальнага выкарыстання лакаматыўных брыгад, абмену нарматыўнай дакументацыяй з адміністрацыямі сумежных чыгунак краін СНД і замежжа.
11. Абнаўленне цягавага і маторвагоннага рухомага саставу (МВРС).

Служба ажыццяўляе тэхнічнае і аператыўнае кіраванне:

• лакаматыўным дэпо Мінск
• лакаматыўным дэпо Маладзечна
• лакаматыўным дэпо Баранавічы
• лакаматыўным дэпо Лунінец
• лакаматыўным дэпо Ліда
• лакаматыўным дэпо Ваўкавыск
• лакаматыўным дэпо Брэст
• лакаматыўным дэпо Гомель
• маторвагонным дэпо Мінск
• лакаматыўным дэпо Жлобін
• лакаматыўным дэпо Калінкавічы
• лакаматыўным дэпо Магілёў
• лакаматыўным дэпо Асіповічы
• лакаматыўным дэпо Крычаў
• лакаматыўным дэпо Орша
• лакаматыўным дэпо Віцебск
• лакаматыўным дэпо Полацк