Праект Цягнік Перамогі

Чэрвень

• 
  21 чэрвеня 2024

  У месцах дэманстрацыі экспазіцыі перасовачнага музея «Цягнік Перамогі» ў Брэсце, Оршы, Магілёве, Віцебску, Мінску і Гомелі будзе арганізавана фотазона - дзеючы паравоз, стылізаваны пад лакаматыў цягніка Перамогі 1945 года

  У рамках мерапрыемстваў па святкаванні 80-годдзя вызвалення Беларусі ад нямецка-фашысцкіх захопнікаў, аддаючы даніну павагі бессмяротнаму працоўнаму і ратнаму подзвігу чыгуначнікаў у гады Вялікай Айчыннай вайны, Беларускай чыгункай у месцах дэманстрацыі экспазіцыі перасовачнага музея «Цягнік Перамогі» ў Брэсце, Оршы, Магілёве, Віцебску, Мінску і Гомелі будзе ўсталяваны паравоз серыі «Э», стылізаваны пад Лакаматыў, які ў 1945-м годзе даставіў цягнік з салдатамі-пераможцамі з Берліна ў Маскву.

  Усе жадаючыя змогуць зрабіць памятныя фатаграфіі на фоне працуючага паравоза з 10.00 да 20.00 21-22 чэрвеня ў г. Брэсце (пр-т Машэрава, 2), 27 чэрвеня на ст. Орша-Цэнтральная, 28-29 чэрвеня на ст. Магілёў-1, 2-3 ліпеня на ст. Віцебск, 5-6 ліпеня на ст. Мінск-Пасажырскі і 20-21 ліпеня на ст. Гомель.

  Чытаць далей…
• 
  13 чэрвеня 2024

  Сустракай «Цягнік Перамогі» ў Рэспубліцы Беларусь у 2024 годзе

  У 2021-2022 гадах Беларускай чыгункай сумесна з ААТ «Расійскія чыгункі» быў паспяхова рэалізаваны гісторыка-асветніцкі і грамадска-патрыятычны праект «Цягнік Перамогі». Ён быў ажыццяўлены пры падтрымцы Адміністрацыі Прэзідэнта Рэспублікі Беларусь і актыўным садзейнічанні Рэспубліканскага валанцёрскага цэнтра.

  У 2024-м – у год 80-годдзя вызвалення Беларусі ад нямецка-фашысцкіх захопнікаў унікальны перасоўны музей зноў прыбудзе ў нашу краіну.

  З 21 чэрвеня па 21 ліпеня перасоўны музей пабывае ў 23 гарадах нашай рэспублікі. З яго экспазіцыяй змогуць азнаёміцца жыхары ўсіх абласцей Беларусі і горада Мінска. Першы прыпынак «Цягнік Перамогі» зробіць у Брэсце 21 чэрвеня. Далей ён пройдзе па гарадах: Пінск, Лунінец, Баранавічы, Орша, Магілёў, Крычаў, Горкі, Віцебск, Полацк, Мінск, Маладзечна, Ліда, Гродна, Ваўкавыск, Салігорск, Слуцк, Асіповічы, Бабруйск, Жлобін, Калінкавічы, Рэчыца і Гомель.

  Маршрут курсіравання «Цягніка Перамогі» складзены з улікам знамянальных і памятных дат Рэспублікі Беларусь, а таксама тэхнічнай магчымасці інфраструктуры Беларускай чыгункі.

  Дадзены праект уяўляе сабой інтэрактыўную экспазіцыю, якая прысвечана подзвігу савецкага народа ў гады Вялікай Айчыннай вайны.

  Чытаць далей…