.png)
Карпаратыўныя навіны
Жнівень
-
30 жніўня 2024Паважаныя навучэнцы, педагогі і работнікі устаноў адукацыі!Прыміце шчырыя віншаванні з выдатным святам – Днём ведаў!
1 верасня – сімвал добрых пачынанняў і адкрыццяў, здзяйсненняў і надзей. Гэты дзень сімвалізуе пачатак новага шляху, праходзячы які мы вызначаем сваю будучыню і будучыню сваёй краіны.
Свет імкліва змяняецца: дасягненні навукова-тэхнічнага прагрэсу задаюць новыя формы асваення ведаў, удасканальваюцца методыкі навучання, абнаўляецца інфраструктура ўстаноў адукацыі. Але нязменным у гэтым працэсе застаецца адно – месца настаўніка.
Паважаныя педагогі і работнікі ўстаноў адукацыі чыгуначнага транспарту! Сардэчна дзякуем вам за высокі прафесіяналізм, цярпенне і вернасць выбранаму шляху. Ад вас залежыць якасць падрыхтоўкі спецыялістаў для Беларускай чыгункі, а значыць, і будучыня магістралі. Дзякуй вам за нястомную працу, мудрасць і душэўную цеплыню, якімі вы так шчодра дзеліцеся са сваімі вучнямі.
Чытаць далей…
-
27 жніўня 2024Беларуская чыгунка ў пачатку навучальнага года ўзмоцніць кантроль за выкананнем мер бяспекі на аб'ектах чыгуначнага транспартуЗ 2 па 13 верасня 2024 года Беларуская чыгунка правядзе акцыю «Дзеці і бяспека», накіраваную на прафілактыку дзіцячага траўматызму і гібелі непаўналетніх на аб'ектах чыгуначнага транспарту. Асаблівая ўвага будзе нададзена дзецям і падлеткам, якія знаходзяцца без нагляду дарослых паблізу чыгуначных пуцей, на вакзалах, станцыях і ў цягніках.
У перыяд правядзення акцыі работнікі беларускай магістралі сумесна з членамі грамадскіх фарміраванняў і супрацоўнікамі органаў унутраных спраў традыцыйна арганізуюць рэйды. Акрамя таго, будуць праведзены прафілактычныя гутаркі са школьнікамі ў навучальных установах, размешчаных паблізу чыгункі. Дзецям раскажуць аб мерах засцярогі, прадэманструюць тэматычныя відэаролікі, а таксама раздадуць лістоўкі і памяткі.
На вакзалах і ў цягніках будзе ажыццяўляцца дадатковае інфармаванне грамадзян аб мерах бяспекі пры знаходжанні на аб'ектах чыгуначнага транспарту.
Чытаць далей… -
27 жніўня 202431 жніўня – 1 верасня 2024 года дзіцячая чыгунка імя К. С. Заслонава запрашае здзейсніць займальнае падарожжа на «Цягніку ведаў»31 жніўня – 1 верасня 2024 года на Дзіцячай чыгунцы імя К.С. Заслонава пройдуць святочныя мерапрыемствы, прымеркаваныя да Дня ведаў.
У цягніку і на станцыі Сасновы бор дзяцей будуць забаўляць аніматары і пацешныя роставыя лялькі. Таксама для дзяцей правядуць пазнавальную віктарыну на чыгуначную тэматыку.
У зале чакання станцыі Заслонава для пасажыраў Дзіцячай чыгункі будзе арганізавана тэматычная фотазона і выстава чыгуначнага мадэліравання.
Чытаць далей… -
19 жніўня 2024Каманда Беларускай чыгункі прыняла ўдзел у рэспубліканскім cпартыўна-масавым фестывалі для працоўнай моладзі «Алімпія-2024», прысвечаным 30-годдзю інстытута прэзідэнцтва ў Рэспубліцы Беларусь і Году якасціКаманда Беларускай чыгункі прыняла ўдзел у рэспубліканскім cпартыўна-масавым фестывалі для працоўнай моладзі «Алімпія-2024», прысвечаным 30-годдзю інстытута прэзідэнцтва ў Рэспубліцы Беларусь і Году якасці
Мерапрыемства праходзіла з 15 па 17 жніўня 2024 года ў Валожынскім раёне Мінскай вобласці на беразе ракі Іслач.
У яго праграме было 8 розных конкурсаў і інтэрактываў, у кожным з якіх нашы хлопцы праявілі смеласць, неверагоднае імкненне да перамогі, спартыўную падрыхтоўку і знаходлівасць.
Чытаць далей… -
19 жніўня 202416 жніўня 2024 года ва Упраўленні Беларускай чыгункі адбылася дыялогавая пляцоўка, прысвечаная 30-годдзю Інстытута прэзідэнцтва ў Рэспубліцы БеларусьСустрэча была арганізавана ў рамках грамадска-палітычнага марафону «Трыццаць суверэнных гадоў». У ёй прынялі ўдзел намеснік Начальніка Беларускай чыгункі Пётр Стоцкі, дэпутат Палаты прадстаўнікоў Нацыянальнага сходу Рэспублікі Беларусь – член Пастаяннай камісіі па нацыянальнай бяспецы Ігар Пашкоў, старшыня Ленінскай раённай арганізацыі г. Мінска Рэспубліканскага грамадскага аб'яднання «Белая Русь» Аляксей Сегалавіч і старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Ігар Камароўскі.
Адкрываючы мерапрыемства, намеснік Начальніка Беларускай чыгункі Пётр Стоцкі адзначыў, што чыгуначнікі заўсёды былі прыкладам адданасці сваёй краіне, высокага пачуцця патрыятызму, узорам працавітасці, вернасці службоваму абавязку і сёння ўносяць вялікі ўклад у развіццё эканомікі Беларусі.
У рамках сустрэчы быў арганізаваны прагляд фільма, прысвечанага станаўленню Рэспублікі Беларусь у няпростыя гады пасля распаду Савецкага Саюза і неацэннаму ўкладу прэзідэнта ў стварэнне моцнай, квітнеючай Беларусі.
Чытаць далей… -
13 жніўня 202413 жніўня 2024 года Намеснік Прэм'ер-міністра Рэспублікі Беларусь Анатоль Сівак прадставіў калектыву Беларускай чыгункі новага кіраўніка Валерыя ВярэнічаНа прадстаўленні таксама прысутнічалі Міністр транспарту і камунікацый Рэспублікі Беларусь Аляксей Ляхновіч, кіраўнікі службаў і аддзелаў Упраўлення Беларускай чыгункі.
Указам Прэзідэнта Рэспублікі Беларусь ад 12.08.2024 № 318 на пасаду Начальніка Беларускай чыгункі прызначаны Валерый Емяльянавіч Вярэніч.
У ходзе мерапрыемства Намеснік Прэм'ер-міністра Рэспублікі Беларусь Анатоль Сівак адзначыў, што многае было зроблена за 12 гадоў пад кіраўніцтвам Уладзіміра Марозава. Пачынаючы са студэнцкай лавы, больш за 40 гадоў свайго жыцця ён аддаў сферы чыгуначнага транспарту Рэспублікі Беларусь. Анатоль Аляксандравіч падзякаваў Уладзіміру Міхайлавічу за нялёгкую працу, якую разумее толькі сапраўдны чыгуначнік.
Чытаць далей… -
07 жніўня 2024Сумеснаму расійска-беларускаму праекту «Беларускі Ваяж» споўнілася 2 гады«Беларускі Ваяж» – гэта праект ААТ «РЖД» і БЧ, які стартаваў у жніўні 2022 года.
Турыстычным аператарам на тэрыторыі Рэспублікі Беларусь выступае турыстычны цэнтр «Дартур» Беларускай чыгункі.
Усяго за гэты час было арганізавана 16 рэйсаў, Беларусь наведалі 156 турыстычных груп, амаль 5000 экскурсантаў.
Туры на спецыяльным круізным цягніку адпраўляюцца з Масквы і разлічаны на двухдзённае знаходжанне ў нашай краіне з прыпынкамі ў Брэсце, Гродне і Мінску. Асаблівасць «Беларускага ваяжу» – начныя пераезды ў фармаце «атэль на колах».
Чытаць далей… -
06 жніўня 2024Сельгаспрадпрыемства «Рачкавічы» Беларускай чыгункі першым завяршыла ўборку ўраджаю сярод гаспадарак магістралі і ў Слуцкім раёнеСельгаспрадпрыемства «Рачкавічы» Беларускай чыгункі першым завяршыла ўборку ўраджаю сярод гаспадарак магістралі і ў Слуцкім раёне Работнікі сельскагаспадарчага прадпрыемства «Рачкавічы» першымі сярод гаспадарак беларускай магістралі і ў Слуцкім раёне завяршылі ўборку збожжавых і зернебабовых культур. Усяго намалочана збожжа з улікам рапсу амаль 21 тыс. тон – гэта самы высокі паказчык у гісторыі сельгаспрадпрыемства. Ураджайнасць склала 72 ц/га (у 2023 годзе – 62,5 ц / га).
6 жніўня 2024 года адбылася ўрачыстая цырымонія ўшанавання камбайнераў, іх памочнікаў і вадзіцеляў сельгаспрадпрыемства «Рачкавічы», якія дасягнулі высокіх вынікаў падчас уборачнай кампаніі. У ходзе мерапрыемства 21 лепшаму работніку каштоўныя падарункі ад беларускай магістралі ўручыў намеснік Начальніка Беларускай чыгункі Пётр Стоцкі.
Чытаць далей… -
02 жніўня 2024Паважаныя работнікі і ветэраны Беларускай чыгункі!Прыміце самыя цёплыя і шчырыя віншаванні ў сувязі з прафесійным святам – Днём чыгуначніка!
Гісторыя Беларускай чыгункі налічвае ўжо больш за 160 гадоў. І ўвесь гэты час чыгуначны транспарт быў і застаецца неад'емнай часткай і надзейнай апорай краіны, стратэгічна ўплываючы на яе сацыяльна-эканамічнае развіццё. І ў гэтым безумоўная заслуга работнікаў беларускай магістралі, якія адданыя прафесіі, разумеюць ступень ускладзенай на іх адказнасці і з'яўляюцца прыкладам сапраўднага патрыятызму, самаахвярнага служэння і любві да сваёй Радзімы. Гэтыя традыцыі будуць жыць вечна.
Дзень чыгуначніка – гэта добрая падстава аддаць даніну павагі і памяці тым, хто шматгадовай стваральнай працай унёс неацэнны ўклад у развіццё галіны і стварыў аснову яе стабільнай работы на сучасным этапе. Гэта падстава адзначыць заслугі цяперашняга пакалення і ўмацаваць яго ўпэўненасць у заўтрашнім дні, закласці падмурак будучыні. У гісторыі нашай краіны і Беларускай чыгункі было нямала слаўных дат. У 2024 годзе галоўнай падзеяй стала 80-годдзе вызвалення Беларусі ад нямецка-фашысцкіх захопнікаў.
Чытаць далей… -
02 жніўня 2024Больш за 800 работнікаў Беларускай чыгункі прынялі ўдзел ва ўрачыстым сходзе і святочным канцэрце, прымеркаваных да Дня чыгуначнікаУрачысты сход і святочны канцэрт, прысвечаныя прафесійнаму святу, прайшлі 2 жніўня 2024 года ў Мінскім Палацы культуры і спорту чыгуначнікаў. У мерапрыемстве прынялі ўдзел работнікі беларускай магістралі, ветэраны працы, кіраўніцтва, выкладчыкі і навучэнцы чыгуначных навучальных устаноў і транспартных класаў, прадстаўнікі грамадскіх арганізацый, выхаванцы Дзіцячай чыгункі імя К.С.Заслонава.
З прывітальным словам да прысутных звярнуўся Начальнік Беларускай чыгункі Уладзімір Марозаў. У сваім выступленні Уладзімір Міхайлавіч адзначыў, што чыгуначнікі заўсёды былі прыкладам адданасці дзяржаве, высокага пачуцця патрыятызму, узорам працавітасці і вернасці службоваму абавязку.
Чытаць далей… -
02 жніўня 2024Напярэдадні Дня чыгуначніка на Беларускай чыгунцы ўзнагародзілі пераможцаў конкурсу малюнка сярод дзяцей работнікаў магістраліНапярэдадні прафесійнага свята ў Мінскім Палацы культуры і спорту чыгуначнікаў адбылася ўрачыстая цырымонія ўзнагароджання пераможцаў конкурсу малюнка сярод дзяцей работнікаў Беларускай чыгункі, прысвечанага 80-й гадавіне вызвалення Рэспублікі Беларусь ад нямецка-фашысцкіх захопнікаў.
Дыпломамі і каштоўнымі падарункамі рабят узнагародзілі старшыня Аб'яднанай галіновай прафсаюзнай арганізацыі чыгуначнікаў і транспартных будаўнікоў Ігар Камароўскі і начальнік аддзела ідэалогіі і сацыяльна-культурнай работы Упраўлення Беларускай чыгункі Андрэй Баравы.
Віншуючы аўтараў малюнкаў, Ігар Сяргеевіч адзначыў высокі ўзровень усіх работ і глыбокае разуменне тэматыкі конкурсу. Відаць, што рабяты ведаюць і любяць гісторыю сваёй краіны. У сваю чаргу Андрэй Паўлавіч пажадаў юным талентам творчых поспехаў, натхнення і нагадаў, што менавіта іх таленавітымі рукамі будзе будавацца будучыня Беларусі.
Чытаць далей…
